ПРЭР-2: Баткен облусундагы социалдык объектилерге мониторинг жүргүзүлдү

АРИСтин аткаруучу директору М.Д. Наспеков Баткен облусуна болгон иш сапарынын алкагында Экинчи «Региондук экономикалык өнүктүрүү» долбоорунун (ПРЭР-2) алкагында ишке ашырылып жаткан социалдык объектилердин жүрүшү менен таанышты.

Жолугушууга ошондой эле төмөнкү өкүлдөр катышты:

• Г.К. Джумабекова, ПРЭР-2 долбоорунун координатору;
• М. Иметов, ПРЭР-2 долбоорунун аймактык координатору;
• долбоордун адистери жана подряддык уюмдардын өкүлдөрү.

Иш сапардын жүрүшүндө төмөнкү объектилер каралды:

• Баткен шаарындагы «Жеңиш» жана «Жаштык» сейил бактарындагы курулуш иштери;
• Кадамжай шаарындагы «Аллейке» скверин реконструкциялоо аянтчасы;
• Кадамжай шаарындагы 90 орундуу бала бакчанын курулушу.

Бул долбоорлордун ишке ашырылышы аймактагы калктын жашоо шарттарын жакшыртууга жана социалдык инфраструктураны өнүктүрүүгө чоң мааниге ээ.

Иш сапар объектилерди кароо менен жыйынтыкталды. АРИСтин Аткаруучу директору жүргүзүлүп жаткан бардык иштердин жогорку сапатын камсыз кылуунун маанилүүлүгүн, ошондой эле ишке ашырылып жаткан демилгелердин туруктуулугу жана узак мөөнөттүү натыйжалуулугу өзгөчө мааниге ээ экенин белгиледи.